3BA NEWS
logo
Xəbər Siyasət Kriminal Dünya Qafqaz İdman Şou
Bərdədəki şəhidin başdaşı niyə qoyulmayıb? - Foto
 Bərdədəki şəhidin başdaşı niyə qoyulmayıb?  - Foto
Əlavə olunub: 06.08.2021 | 16:23 | Baxılıb: 2116
Sosial şəbəkələrdə Bərdə rayonundan olan şəhid Cəlal Cəlalzadənin məzarına başdaşının qoyulmaması ilə bağlı fotolar yayımlanıb. Adıçəkilən şəhid rayonun Mustafaağalı kəndindəki məzarlığında dəfn olunub. 

“3ba.ru” məsələylə bağlı Bərdə rayon İcra Hakimiyyəti ilə əlaqə saxlayıb. İH-dən bildirilib ki, şəhidin məzar daşı qardaşının istəyi ilə Bakıdan sifariş verilib: “Buna görə də sifarişin gəlməsi gecikib. Qəbrin üstü götürülüb, başdaşı isə hazır olanda qoyulacaq. Bu məqsədlə şəhidin qardaşına rayon İcra Hakimiyyəti tərəfindən 2000 manat köməklik edilib. Bundan əlavə, ailə dövlət tərəfindən verilən bütün ödənişləri də alıb”.

Qeyd edək ki, C. Cəlalzadə oktyabrın 3-də Vətən müharibəsində Tərtər və Ağdərə istiqamətində gedən ağır döyüşlərdə şəhid olub. Ölümündən sonra " Vətən uğrunda" medalı ilə təltif edilib.

Günel Türksoy


Geriyə
3BA.RU
xəbərlər hər dəqiqə yenilənən xəbər portalı, saytda hər bir məlumatı tapıb oxuya bilərsiniz.